Bellator 296. Gegard Musasi ishtirokidagi markaziy jang to'liq davom etdi FOTOGALEREYA

Bellator 296 oqshomining markaziy jangi o'rta vazn toifasida britaniyalik Fabian Edvards hamda divizionning sobiq chempioni, niderlandiyalik Gegard Musasi o'rtasida o'tkazildi. Jang to'liq davom etdi va yakunda Edvards nomdor raqibini hakamlarning yakdil qarori (49-46, 49-46, 49-46) bilan ochkolar hisobiga ko'ra mag'lubiyatga uchratdi. 

Davogarlar jangidagi g'alaba Fabian Edvardsga vazn chempioni, amerikalik Jonni Eblinga qarshi oktagonga chiqish imkoniyatini taqdim etdi. Jang yakunlanishi bilan ular oktagonda ko'z urishtirish marosimini ham o'tkazib olishdi. CHempionlik jangi 23 sentyabr kuni Irlandiya poytaxti Dublin shahrida bo'lib o'tadi. 

Malumot uchun, Fabian Edvards yarimo'rta vazn toifasida amaldagi UFC chempioni Leon Edvardsning ukasi hisoblanadi. Leon kechagi jangda Fabianning burchagida sekundant vazifasini bajardi.