21 iyu 09:07
Yangiliklar

Boks/MMA

Bellator P4P reytingida ham peshqadam o'zgardi

Kecha vazn toifasidan qatiy nazar UFC promousheni ayollar reytingida meksikalik chempion Aleksa Grasso karvonboshiga aylanib olgandi.

Etiborlisi, Bellator ligasining kuchlilar reytingida ham peshqadam o'zgardi. Rossiyalik Vadim Nemkov reytingda birinchi o'ringa ko'tarilib oldi. Nemkov to'rt kun avval yarimog'ir vazn toifasidagi chempionlik kamarini muvaffaqiyatli himoya qilgandi.

U besh raund to'liq davom etgan jangda tajribali Yoel Romeroni ochkolar hisobiga ko'ra mag'lubiyatga uchratgan edi. Vadim ushbu g'alabasi evaziga reytingda braziliyalik Patrisiu "Pitbul" Freyrini ortda qoldirdi. Freyri ikkinchi o'ringa pastladi. Ukrainalik Yaroslav Amosov esa uchinchi o'rinda qoldi.

Amerikalik Serxio Pettis to'rtinchi o'ringa ko'tarildi. Reytingda keyingi o'rinlarni Jonni Eblin, Ey-Jey Makki, Usman Nurmagomedov, Rayan Beyder, Patrik Miks va Kori Anderson band etgan.