28 mar 14:42
Yangiliklar

Qilichbozlik, O'q otish, Engil atletika, Boshqalar, Ot Sporti, Suv sporti turlari

Beshkurash sporti yana O'zbekistonda

Teglar : Beshkurash

Joriy yilning 10 fevral kuni O'zbekiston Respublikasi Adliya vazirligi tomonidan davlat ro'yxatidan o'tkazilgan O'zbekiston zamonaviy beshkurash federaciyasi O'zbekiston chempionati qachon o'tkazilishini malum qildi.

Unga ko'ra, zamonaviy beshkurash bo'yicha ilk musobaqaga 31 mart kuni start beriladi. Mazkur bellashuvlar poytaxtmizning turli sport saroylarida o'tkazilishi rejalashtirilgan. Xususan, beshkurashchilar o'rtasidagi qilichbozlik bellashuvlari Paxtakor Markaziy stadionining Yoshlik sport zalida soat 09:00 dan 11:00 ga qadar bo'lib o'tadi.

SHu kunning o'zida keyingi bellashuvlarni atletlar poytaxtimizdagi Yoshlik sog'lomlashtirish-sport kompleksi (sobiq NBU sport majmuasi)da davom ettiradilar. Rejaga ko'ra, musobaqaning suzish sport turi bo'yicha bellashuv soat 12:00dan 14:00gacha, o'q otish va yugurish bo'yicha ballarni jamlash esa 15:00-18:00gacha bo'lib o'tishi ko'zda tutilgan.

Zamonaviy beshkurash bo'yicha O'zbekiston chempionatining ot sporti bo'yicha o'takaziladigan bellashuv joriy yilning 1 aprel sanasida belgilandi. Ishtirokchilar Ot sporti bo'yicha respublika oliy sport mahorat maktabida soat 09:00 dan boshlab otni bo'ysintirish bo'yicha o'z mahoratlarini namoish etadilar. Musobaqa baxslari yakunlangach O'zbekiston zamonaviy beshkurash federaciyasining faoliyati taqdimoti va zamonaviy beshkurash bo'yicha O'zbekiston chempionatining ochilish marosimiga bag'ishlangan tantanali marosimda bo'lib o'tadi. Unda ilk musobaqada g'oliblikni qo'lga kiritgan sportchilar munosib taqdirlanadilar.
O'zbekiston zamonaviy beshkurash federaciyasi yurtimizdagi sport ishqibozlari va OAVlari vakillarini qizg'in va murosasiz o'tishi kutilayotgan mazkur bellashuvlarni tomosha qilishga taklif etadi. Musobaqani tomosha qilish bepul.

O'zbekiston zamonaviy beshkurash federaciyasi axborot xizmati.