Beshta tashabbus doirasida ommaviy sport musobaqalari o'tkazildi

Dastlab 3000 metr masofaga ommaviy yugurish marafoni o'tkazildi. Marafonda tumandagi talim muassasalari, korxona va tashkilotlar, mahallalardan 18 yoshdan 60 yoshgacha bo'lgan 1000 nafar ko'ngilli ishtirok etdi.

Ommaviy sport musobaqalari doirasida 500 nafardan ziyod xotin-qiz ishtirokida 3000 metr masofaga velopoyga musobaqasi ham tashkil etildi.

SHuningdek, 4-musiqa va sanat maktabida rassomchilik, kitobxonlik, musiqa va kompyuter savodxonligi bo'yicha mahorat darslari va turli musobaqalar, hunarmandchilik ko'rgazmasi, kitob va mehnat yarmarkalari o'tkazildi.

Sport musobaqalari g'olib va sovrindorlariga maxsus diplom va esdalik sovg'alari topshirildi. Viloyat bo'ylab 5 tashabbus doirasida ana shunday ommaviy sport musobaqalari, madaniyat va sanat festivallari davom etmoqda.