Bilasizmi? Bugun bokschilarimiz ikkita bronzani naqd qilishlari mumkin

Ulardan bevosita 4 nafari bugun medallarga ega chiqishi mumkin. Dzyudochilarimiz haqida malumot bergan edik. Bokschilarimizdan esa bugun ikki nafari kamida bronza medalini naqd qilishi mumkin.

Boisi, ular chorak final janglarida ringga ko'tarilishadi va yarim final chiptasi bu kamida bronza medali degani bo'ladi. -49 kg vazn toifasidagi hamyurtimiz Hasanboy Do'smatov qozog'istonlik azaliy raqibi Birjan Jakipovga qarshi jang o'tkazadi. Bokschilar o'zaro uch marotaba to'qnash kelishgan. Janglarning ikkitasida Hasanboy zafar quchgan. Janglarning birida u raqibini nokautga ham uchratgan. Bugun ham Do'smatovdan ana shunday ishonchli g'alaba kutib qolamiz.

Yana bir charm qo'lqop ustamiz -91 kg vazndagi Rustam To'laganov bugun ozarbayjonlik Abduqodir Adullaev bilan munosabatlariga oydinlik kiritib oladi. G'alaba bokschimizga kamida bronza medalni taqdim etadi.

BOKSCHILARIMIZNING BUGUNGI ISHTIROKI:

Rustam To'laganov - (Boks, -91 kg vazn toifasida, chorak final) - 21:45

Hasanboy Do'stmatov - (Boks, -49 kg vazn toifasida, chorak final) - 01:00

Fazliddin G'oibnazarov - (Boks, -64 kg vazn toifasida, 1/16 final) - 02:15

Eslatma: Toshkent vaqtida berilgan.