16 apr 16:26
Yangiliklar

Tennis

Billi Jin King Kubogi. Ispaniya final bosqichiga yo'l oldi

Tennis bo'yicha Ispaniya ayollar terma jamoasi Billi Jin King Kubogining saralash musobaqasini muvaffaqiyatli o'tkazdi.

Mezbonlar Marbele shahrida bo'lib o'tgan uchrashuvda Meksika terma jamoasini mag'lubiyatga uchratishdi. Ikkinchi kungi bahslarning dastlabkisida Nuriya Parrizas-Dias raqibasi Marsela Zakariasdan ustun keldi - 6/3, 6/0.

Keyin esa rasmiyatchilik uchun o'tkazilgan juftlik bahsida Alyona Bolshova va Rebeka Masharova hamkorligi Gilyana Olmos hamda Renata Zarazua tandemini 6/4, 6/4 hisoblarida mag'lub etdi.

SHu tariqa, Ispaniya terma jamoasi 4:0 hisobida g'alaba qozonib, ayollar o'rtasidagi norasmiy jahon chempionatining final turniriga yo'l oldi.