Billie Jean King. Bugun Hindistonga qarshi kortga chiqamiz

Kecha O'zbekiston ayollar terma jamoasi saralash bahslari doirasidagi ilk uchrashuvda anchayin kuchli raqib bo'lmish — Xitoy ayollar terma jamoasiga qarshi kortga chiqdi.

Ilk yakkalik o'yinida Sabrina Olimjonova Jiang Ksinyuga 3/6, 1/6 hisobida mag'lub bo'lgan bo'lsa, ikkinchi uchrashuvda Sevil Yuldasheva Jeng Vu SHuangga qarshi kortga chiqib, 0/6, 1/6 hisobida imkoniyatni boy berib qo'ydi. Ominaxon Valixonova hamda Maftunabonu Qahramonova juftligi esa Jiang Ksinyu/Yang Jao Xuan tandemiga qarshi bahs olib borib, mag'lubiyatga uchradi.

Bugun vakilalarimiz hindistonlik dugonalariga qarshi kortga chiqishadi. Hindiston ayollar terma jamoasi kecha Tailand ustidan 2:1 hisobida zafar quchgan edi.

Turnirning bugungi taqvimi:

Yaponiya - Tailand
Xitoy - Koreya Respublikasi
Hindiston - O'zbekiston.

Uchrashuvlar 10:00 da poytaxtimizdagi Tennisga ixtisoslashgan Olimpiya maktabi xard kortlarida boshlanadi.