13 apr 10:58
Yangiliklar

Tennis

Billie Jean King kubogi. Hindiston - O'zbekiston 3:0

Poytaxtimizda nufuzli Billie Jean King kubogining Osiyo va Okeaniya mintaqasi birinchi guruhidan o'rin olgan o'yinlar davom etmoqda.

Kecha O'zbekiston ayollar terma jamoasi Hindistonga qarshi kortga chiqib, barcha o'yinlarda mag'lub bo'ldi. Yakkalik bahslarida Sabrina Olimjonova Rutuja Bosalega 7/5, 2/6, 4/6, Sevil Yuldasheva esa WTA reytingida 221-o'rinda borayotgan Ankita Rainaga 4/6, 2/6 hisoblarida imkoniyatni boy berdi.

Uchrashuvning umumiy natijasiga tasir o'tkazmagan juftliklar bahsida esa hamyurtlarimiz Maftunabonu Qahramonova va Ominaxon Valixanova hamkorligi hindistonliklar SHrivalli Rashmikaa hamda Vaydexi CHaudxari tandemiga qarshilik ko'rsata olishmadi - 1/6, 0/6.

Kunning qolgan o'yinlarida Yaponiya Tailandni 2:1 hisobida mag'lubiyatga uchratgan bo'lsa, Janubiy Koreya terma jamoasi xitoylik raketka ustalaridan 2:1 hisobida ustun kelishdi.