Billie Jean King kubogi. Kecha Yaponiyaga mag'lub bo'lgan edik, bugun Janubiy Koreyaga qarshi kortga chiqamiz

Kecha O'zbekiston ayollar terma jamoasi saralash bahslari doirasidagi uchinchi uchrashuvda Yaponiya ayollar terma jamoasiga qarshi kortga chiqdi.

Ilk yakkalik o'yinida Sabrina Olimjonova WTA tasnifida 216-o'rinni egallab turgan Himeno Sakatsumega 1/6, 2/6 hisobida mag'lub bo'lgan bo'lsa, ikkinchi uchrashuvda Sevil Yuldasheva dunyoning 179-raketkasi Mai Hontamaga 1/6, 1/6 hisoblarida imkoniyatni boy berdi. Juftliklar bahsida esa hamyurtlarimiz Maftunabonu Qahramonova va Ominaxon Valixanova hamkorligi yaponiyaliklar SHuko Aoyama hamda Eri Xozumi tandemiga qarshilik ko'rsata olishmadi - 0/6, 0/6.

Bugun vakilalarimiz guruh autsayderlaridan biri bo'lmish — janubiy koreyalik raketka ustalariga qarshi kortga chiqishadi.

Turnirning bugungi taqvimi:

Koreya Respublikasi - O'zbekiston
Xitoy - Yaponiya
Hindiston - Tailand.

Uchrashuvlar 10:00 da poytaxtimizdagi Tennisga ixtisoslashgan Olimpiya maktabi xard kortlarida boshlanadi.

Turnir jadvali:


Qayd etish joiz, O'zbekiston ayni damda g'alaba qozona olmagan yagona jamoa bo'lib turibdi. Bugungi va ertangi o'yinlarda zafar quchish orqali guruhdagi o'rnimizni saqlab qola olishimiz imkoniyati mavjud!