Bivol "Rossiyada xizmat ko'rsatgan sport ustasi" unvoni bilan taqdirlandi

Yarimog'ir vaznda WBA yo'nalishi bo'yicha jahon chempioni Dmitriy Bivol "Rossiyada xizmat ko'rsatgan sport ustasi" unvoni bilan mukofotlandi. Bu haqda Sankt-Peterburg mamuriyati matbuot xizmati xabar bergan.

"Bu unvon sizning mehnatingiz, g'alaba qozonish istagingiz, tinimsiz mashg'ulotingiz va ringdagi yorqin janglaringizga berilgan yuksak bahodir. Ishonchim komilki, sizni yangi g'alabalar kutib turibdi", - deb aytib o'tgan Sankt-Peterburg gubernatori Aleksandr Beglov Bivolga ko'krak nishonini topshirish chog'ida.