Bobur Qurbonov MMA Series bilan shartnoma imzoladi, uning ilk jangi qachon va qaerda bo'lishi malum. Jang chempionlik uchun bo'lib o'tadi!

Engil vaznda o'zbekistonlik MMA ustasi Bobur Qurbonov (10-4) MMA Series promousheni bilan to'rtta jang uchun shartnoma imzolagani va ilk jangi tafsilotlari aniq bo'lganini malum qildi. Uning so'zlariga ko'ra, promoushendagi ilk jangi chempionlik kamari uchun bo'lib o'tadi.

"Assalomu alaykum, qadrli do'stlar bugun biz MMA Series bilan to'rtta jang uchun shartnoma imzoladik. Ilk jang 17 dekabr kuni Moskva shahrida chempionlik uchun bo'lib o'tadi. Umid qilamanki, meni qo'llab-quvvatlab turasizlar", - deb yozgan Qurbonov Instagramdagi sahifasida.

Qurbonov so'nggi jangini joriy yilning 1 aprel sanasida MPL 4 musobaqasida rossiyalik Vladislav SHabalin (13-8)ga qarshi o'tkazib, texnik nokaut evaziga g'alaba qozongan edi.