Bobur Qurbonovning raqibi aniq, jang chempionlik kamari uchun bo'ladi + POSTER

Bobur Qurbonov 17 dekabr kuni Moskva shahrida bo'lib o'tadigan MMA Series 60  turnirida jang qilishi to'g'risida xabar bergan edik. Hamyurtimizning raqibi aniq bo'ldi. Qurbonov 5 raundga mo'ljallangan chempionlik jangida mezbonlar vakili Sergey Bobrishevga qarshi oktagonga ko'tariladi. 

«Kutish jonga tegdi, shuning uchun ham qisqa vaqt qolgan bo'lsada 5 raundlik chempionlik jangini qabul qilishga rozi bo'ldik. YO hammasi yo hech narsa», - deb yozib qoldirdi sportchi Instagramda.

Eslatib o'tamiz, Bobur Qurbonov so'nggi jangini MPL-4 da rossiyalik Vladislav SHabalinga qarshi o'tkazib g'alaba qozongan edi.