Boks. O'zbekiston erkaklar terma jamoasi Osiyo chempionatini 5 ta oltin medal bilan yakunlab, birinchi bo'ldi

O'zbekiston erkaklar terma jamoasi musobaqa yakuniga ko'ra 5 ta oltin, 2 ta kumush va 3 ta bronza medallarini qo'lga kiritdi. 

Terma jamoamiz safida quyidagi bokschilarimiz sovrindor bo'lishdi:

Oltin:

-51 kg: Hasanboy Do'smatov

-57 kg: Abdumalik Xalakov

-63,5 kg: Ruslan Abdullaev

-75 kg: Saidjamshid Jafarov

+92 kg: Lazizbek Mullojonov

Kumush: 

-80 kg: Odiljon Aslonov

-92 kg: Madiyar Saidrahimov

Bronza: 

-54 kg: SHaxzod Muzaffarov

-60 kg: Adhamjon Muxiddinov

-67 kg: Asadxo'ja Mo'ydinxo'jaev.

Ushbu natija orqali O'zbekiston erkaklar terma jamoasi umumjamoa hisobida birinchi o'rinni egalladi. 

Kecha ayollar o'rtasidagi bahslar o'z yakuniga etgan va unda Navbahor Hamidova oltin, Sohiba Ro'zmetova kumush va Farzona Fozilova bronza medallarini qo'lga kiritgandi.

Bokschilarimizning final janglaridagi natijalarini ushbu sahifa orqali kuzatib borishingiz mumkin bo'ladi. 

SAHIFANI YANGILASH

+92 kg vazn toifasida Lazizbek Mullojonov Kamshibek Konkabaevni mag'lubiyatga uchratdi va oltin medalga ega chiqdi! Beshinchi oltin!

-92 kg vazn toifasida Madiyar Saidrahimov qozog'istonlik Aybek Oralbayga imkoniyatni boy berib qo'ydi. Ikkinchi kumush...

-86 kg vazn toifasida Tailand vakili Yomxot Jakkapong iordaniyalik Adelxindavi Odaini mag'lub etdi.

-80 kg vazn toifasida hamyurtimiz Odiljon Aslonov finalda mezbon iordaniyalik Hussayn Iashishga qarshi jang qildi va hakamlar qaroriga ko'ra mag'lub bo'ldi. Kumush...

-75 kg: Saidjamshid Jafarov qozog'istonlik Nurkanat Rayisga qarshi ringga ko'tarildi va 5:0 hisobida g'alaba qozondi! O'zbekiston erkaklar terma jamoasida to'rtinchi oltin!

-71 kg: Qozog'istonlik Aslanbek SHimbergenov iordaniyalik Ziyad Iashishdan ustun keldi va oltin medalni qo'lga kiritdi. Qozog'iston erkaklar terma jamoasida ikkinchi oltin.

-67 kg: Tailandlik Sinsiri Bunjong Qozog'iston vakili Dulat Bekbauovdan ustun keldi va oltin medal sohibiga aylandi.

-63,5 kg vaznda Ruslan Abdullaev Osiyo chempioni! Bokschimiz finalda hindistonlik raqibni mag'lub etdi. Raqib 2-raundda jarohat oldi. Bu paytga kelib Ruslan ochkolar bo'yicha oldinda borayotgandi.

-60 kg vazn toifasida oltin medalni mezbon Iordaniya vakili Abu Jajeh Muhammad qo'lga kiritdi. U hal qiluvchi bahsda mo'g'ulistonlik Buyandalay Bayarxudan ustun keldi.

-57 kg vazn toifasida Abdumalik Xalakov qozog'istonlik Serik Temirjanovdan ustun keldi va O'zbekiston erkaklar terma jamoasi hisobiga ikkinchi oltin medalni qo'shib qo'ydi!

-54 kg vazn toifasida filippinlik Karlo Paalam qozog'istonlik Mahmud Sabirxanni mag'lub etdi.

-51 kg. Hasanboy Do'smatov Saken Bibosinovni 4:1 hisobida mag'lubiyatga uchratdi! Bizda ilk oltin!

-48 kg vazn toifasida qozog'istonlik Sanjar Tashkenbay yaponiyalik Aratake Kazumani mag'lubiyatga uchratdi va oltin medalni qo'lga kiritdi. 

Janglarni USHBU LINK orqali jonli efirda tomosha qilishingiz mumkin. 

Erkaklar o'rtasidagi bahslarga 7 nafar o'zbekistonlik bokschi etib kelgan. Janglar soat 15:00da boshlanadi. 

-51 kg: Hasanboy Do'smatov - Saken Bibosinov (Qozog'iston) (15:15 dan so'ng)

-57 kg: Abdumalik Xalakov - Serik Temirjanov (Qozog'iston) (15:40 dan so'ng)

-63,5 kg: Ruslan Abdullaev - SHiva Tapa (Hindiston) (16:10 dan so'ng)

-75 kg: Saidjamshid Jafarov - Nurkanat Rayis (Qozog'iston) (16:55 dan so'ng)

-80 kg: Odiljon Aslonov - Huseyn Iashish (Iordaniya) (17:10 dan so'ng)

-92 kg: Madiyar Saidrahimov - Aybek Oralbay (Qozog'iston) (17:40 dan so'ng)

+92 kg: Lazizbek Mullojonov - Kamshibek Konkabaev (Qozog'iston) (17:55 dan so'ng)