Boks rassomlari tanlovi: Tokio Olimpiadasi chiptasi kimga nasib etdi? + FOTO

Tanlov shartlariga ko'ra, rassomlar o'zbek bokschi va murabbiylariga bag'ishlangan suratlarni chizishlari lozim edi. G'olib esa ajoyib sovg'a - Tokio Olimpiadasi yo'llanmasi vada qilingandi. Bugun Milliy olimpiya qo'mitasida ushbu tanlov yakunlariga bag'ishlangan tantanali marosim tashkil etildi.

Tantanali tadbirda O'zbekiston Milliy olimpiya qo'mitasi bosh kotibi Oybek Kasimov, O'zbekiston boks federaciyasi raisining birinchi o'rinbosari Saken Polatov, O'zbekiston xalq rassomi Akmal Nur, taniqli aktyor Rustam Sagdullaev, O'zbekiston rassomlar uyushmasi vakillari, tanlov ishtirokchilari va OAV xodimlari ishtirok etishdi. 

Tanlovda ko'plab suratlar, 100 ga yaqin ish qatnashdi. Bu o'z navbatida hayat azolari tomonidan g'oliblarni aniqlab olishda katta qiyinchilik tug'dirdi. Ammo yakunda baribir uzoq bahs-munozaralardan so'ng maxsus komissiya tomonidan g'olib aniqlandi. 

Unga ko'ra, hayat azolari Lutfullo Qodirovni eng oliy mukofot - Tokio Olimpiadasi yo'llanmasiga loyiq ko'rishdi. G'olibimiz chizgan suratlarining ahamiyatli tomoni shundaki, Lutfullo o'z suratlarini qo'lda emas, oyoqlari bilan chizgan edi. Ikkinchi o'rinni Umar Rajabov egallagan bo'lsa, uchinchi o'rindan Laziza To'laganova joy oldi. 

Bugungi final tadbiriga etib kelgan barcha ishtirokchilarga O'zbekiston boks federaciyasi tomonidan maxsus sovg'alar - Isroil Madrimovning imzosi tushirilgan boks qo'lqoplari taqdim etildi. 

O'zbekiston boks federaciyasi matbuot xizmati

(1-o'rin)

(2-o'rin)

(3-o'rin)

Tadbirdan suratlarni tomosha qiling: