Bokschimiz SHahram G'iyosov Olimpiadadagi shiorini oshkor qildi

Bu haqida “Feysbuk” ijtimoiy tarmog'ida Uzbek Boksi Fanatlari xabar bermoqda. -69 kg vazn toifasidagi bokschimiz ilk marotaba Olimpiadada ishtirok etadi.

Savol: SHioringiz?

Javob: O'zbekiston kelajagi buyuk davlat (Islom Karimov)!

Savol: Rio Olimpiadasida siz uchun eng muhimi?

Javob: Eng muhimi, avallambor, g'alaba qozonish va O'zbekiston bayrog'ini baland ko'tarish. Jamoamizning umumjamoa hisobida birinchi o'rinni qo'lga kiritishiga xissamni qo'shish.

Savol: Olimpiya o'yinlari sizning tasavvuringizda...?

Javob: Olimpiadani tasavvur qilishim judayam qiyin. Boisi, bu meni birinchi olimpiadam. Eng katta va nufuzli musoboqam. Men chin yurakdan judayam xursandman. O'ylaymanki, bu men kutgan Olimpiada! 

Savol: Simferopoldagi xalqaro turnir sizning faoliyatingizda alohida ahamiyatga ega ekan. Nima uchun?

Javob: Boisi, men aynan mana shu musobaqadagi muvaffaqiyatli ishtirokdan so'ng xalqaro toifadagi sport ustasi unvonini qo'lga kiritganman. 

Savol: Mag'lubiyatga uchrashdan qo'rqasizmi? 

Javob: Nafaqat boksda, balki boshqa sport turlarida ham mag'lubiyatga uchrashdan qo'rqmaydigan sportchining o'zi bo'lmasa kerak. Lekin bazi hollarda bu narsa foydaga ishlashi ham mumkin. 

Savol: Vazningizni o'zgartirganingizdan afsuslanmaysizmi?

Javob: Aslo. Aksincha, bu menga foyda bo'ldi. Aynan yangi vazn toifasida men to'rt yillikning eng nufuzli musobaqasida ilk bor ishtirok etish huquqini qo'lga kiritdim. 

Savol: Ko'pchilik sportchilar tushkun holatga tushib qolganlarida, sportdan ketmoqchi ekanliklarini aytishadi. Sizda ham shunday holat yuz berganmi?

Javob: Ha, bunday holat bo'lgan. Lekin o'z vaqtida o'zimni qo'lga olib, olg'a qadam tashlaganman.