Boksda "kichik jahon chempionati" boshlanmoqda. O'zbekiston nega to'liq tarkibda ishtirok etmayapti?

Boks olamida "kichik jahon chempionati" sifatida etirof etiladigan "A" klassdagi mazkur turnir har yili ananaviy tarzda tashkil etiladi. Jahon boksining etakchi terma jamoalari mazkur musobaqaga o'zlarining asosiy tarkiblari bilan tashrif buyurishadi. 

Bu yilgi turnir IBA vaznlarida - erkaklar o'rtasida 13 ta, ayollar o'rtasida 12 ta vazn toifasida tashkil etiladi. Bungacha ijtimoiy tarmoqlarda O'zbekiston terma jamoasi to'liq tarkibda musobaqada qatnashishi haqida xabarlar tarqalgandi. Ammo, bugun O'zbekiston boks federaciyasi matbuot xizmati taqdim etgan xabarga ko'ra tarkib qisqarib ketgan. Yani, terma jamoamiz 8 nafar erkak, 5 nafar ayol sportchi bilan Sofiyaga yo'l olgan.

Bunday darajadagi turnirda O'zbekistonning qisqartirilgan tarkibda ishtirok etishi boks muxlislari orasida bir qator savollarni tug'dirdi. 

Olamsport.com sayti manbasining xabar berishicha, terma jamoamiz to'liq tarkibda ushbu musobaqada ishtirok etishga tayyorgarlik ko'rayotgandi. Biroq, bir necha kun qolganida tarkib qisqargani malum bo'ldi. Musobaqaga jiddiy tayyorgarlik ko'rib, formaga kirayotgan bokschilar esa afsuski so'nggi pallada musobaqasiz qolishdi. Bu sportchining organizmi uchun yaxshi holat emas nazarimizda. 

Malum bo'lishicha, "Stranja"da ishtirok etadigan tarkibimiz so'nggi pallada moliyalashtiruvchi tashkilot - Milliy olimpiya qo'mitasi tomonidan qisqartirilgan. Buni saytimizning MOQdagi va O'zbekiston boks federaciyasidagi manbasi ham tasdiqladi. Tarkibga nazar tashlaydigan bo'lsak, u erda faqat Olimpiya vaznida jang o'tkazadigan bokschilar qolganini ko'rishimiz mumkin. 

Yana shuni qo'shimcha sifatida aytishimiz mumkinki, mazkur turnirda qo'shnilarimiz Qozog'iston terma jamoasi har bir vaznda ikki nafardan bokschi olib borilishi malum qilingan. Yosh bokschilar mahorati aynan mana shunday musobaqalarda toblanishini qo'shnilarimiz yaxshiroq tushunishsa kerak.

SHunchaki malumot uchun, o'tgan yilgi musobaqada Bobousmon Baturov, Dilshodbek Ro'zmetov va Bahodir Jalolov oltin, SHahobiddin Zoirov, Asadxo'ja Mo'ydinxo'jaev va Navbahor Hamidova bronza medaliga sazovor bo'lgandi. 

Eslatib o'tamiz, O'zbekiston terma jamoasi musobaqada quyidagi tarkibda qatnashadi: 

Ayollar: 

-51 kg: Tursunoy Rahimova 

-57 kg: Sitora Turdibekova

-60 kg: Rayhona Qodirova 

-69 kg: Sohiba Ruzmetova 

-75 kg: Mavluda Mavlonova 

Erkaklar: 

-52 kg: Hasanboy Do'smatov 

-57 kg: Abdumalik Xalakov 

-63 kg: Mujibillo Tursunov 

-69 kg: Jahongir Rahmonov 

-75 kg: Saidjamshid Jaffarov 

-81 kg: Odiljon Aslonov 

-92 kg: Madiyar Saidraximov 

+92 kg: Lazizbek Mullajonov