06 noy 15:14
Yangiliklar

Dzyudo

Boku "Katta Dubulg'a". Suhrob Tursunov to'xtatildi

Ozarbayjon poytaxti Boku shahri "Katta Dubulg'a" turkumiga kiruvchi nufuzli turnirga mezbonlik qilmoqda.

Dunyoning 29 davlatidan jami 196 (129 erkak, 67 ayol) nafar dzyudochi ishtirok etayotgan musobaqada yurtimiz sharafini yagona vakilimiz Suhrob Tursunov himoya qilayotgandi.

Afsuski, -81 kg vazn toifasidagi dzyudochimiz jahon chempionatining bronza medali sovrindori, turkiyalik Vedat Albayrakka qo'shimcha daqiqalarda ippon bahosi bilan imkoniyatni boy berib qo'ydi. Suhrob ilk davrada gruziyalik Tornike Poladishvilini vazari bahosi evaziga mag'lubiyatga uchratgan edi.