17 avg 14:42
Yangiliklar

Boks/MMA

BOOM! Sanjar Zokirov nihoyat ONE FC asosiy Ligasida jang qiladi + POSTER

O'zbekistonlik aralash yakkakurash ustasi Sanjar Zokirovning navbatdagi jangi tafsilotlari malum bo'ldi.

Hamyurtimiz nufuzli ONE FC asosiy Ligasida jang qilish imkoniyatiga ega bo'lmoqda. U 6 sentyabr kuni AQSHning Kolorado shtati, Denver shahridagi "Ball Arena" majmuasida tashkil etiladigan ONE 168 turnirida oktagonga ko'tariladi. O'sha kuni Zokirovga yaponiyalik Xiroba Minoua raqiblik qiladi.

Malumot uchun, Sanjar Zokirov faoliyati davomida 10 ta jang o'tkazib, ularning barchasida raqiblaridan ustun kelgan. Yaponiyalik Minoua esa 14 g'alaba va 5 mag'lubiyat qayd etgan.

Takidlash joiz, ONE FC asosiy Ligasida hozirga qadar faqatgina bir nafar hamyurtimiz — Jasur Mirzamuhammedov jang qilib, 1 g'alaba va 1 mag'lubiyat qayd etgan edi.