Bosh egib tazimdamiz, aziz Ustozlar!

Bu dunyoda har qaysi ongli inson – qaerda ishlamasin, qanday kasbu kor, lavozim egasi bo'lmasin, unga bilim va tarbiya berib, hayotga yo'llagan muhtaram o'qituvchi va murabbiylari oldida hamisha qarzdorlik hissi bilan yashaydi.

Haqiqatan ham, o'zining ko'z nuri, qalb qo'ri, butun borlig'ini bag'ishlab, barchamizga ezgulikdan saboq bergan, otadek mo'tabar, onadek mehribon, aziz ustozlarning hech narsa bilan o'lchab, baholab bo'lmaydigan mashaqqatli va sharafli mehnati uchun har qancha tahsin va tashakkurlar aytsak, arziydi.

Fursatdan foydalanib, saytimiz va uning o'quvchilari nomidan bugungi bayram bilan ustozlarimizni, o'qituvchi va murabbiylarni chin qalbimizdan muborakbod etib, barchalariga hurmat-ehtirom va samimiy tilaklarimizni izhor etamiz.

SHogirdlar baxtiga hamisha sog' va omon bo'ling, aziz ustozlar!

olamsport.com tahririyati