Bosh vazir Abdulla Aripov ishtirokida sportga bag'ishlangan selektor o'tkazildi

Yodingizda bo'lsa, 15 may kuni Milliy olimpiya qo'mitasida navbatdan tashqari yig'ilish o'tkazilgan edi. O'zbekiston Respublikasi bosh vaziri Abdulla Aripov boshqargan o'sha yig'ilishda milliy olimpiya qo'mitasi prezidenti Umid Ahmadjonov o'z lavozimidan ozod etilgandi. 

Abdulla Aripov tanqidiy ruhda o'tgan o'sha yig'ilish yakunida bir haftadan so'ng federaciya rahbarlari bilan Vazirlar Mahkamasida uchrashishini aytgandi. Bugun o'sha belgilangan muddat etib keldi va aytilgan manzilda MOQda boshlangan yig'ilishning ikkinchi qismi bo'lib o'tdi. 

Olamsport.com caytiga malum bo'lishicha, yig'ilishda asosan olimpiya oilasiga mansub sport federaciyalari rahbarlari ishtirok etgan. Bosh vazir milliy olimpiya qo'mitasi faoliyati, sportchilarimizning Tokio-2020 Olimpiadasi licenziyalari yo'lidagi kurashi va boshqa qator masalalarni keskin tanqid ostiga oldi. 

Jumladan, Abdulla Nigmatovich Olimpiadaga bir yildan sal ko'proq vaqt qolgan bir paytda bor yo'g'i ikkita licenziya qo'lga kiritilgani, bundan to'rt yil avval xuddi shu vaqtda licenziyalar soni 10 tadan oshiq bo'lganini alohida urg'uladi. 

O'z o'rnida 17 ta istiqbolli olimpiya sport turlari federaciyalari rahbarlari asosiy licenzion turnirlar oldinda ekanligi, Tokio-2020 uchun kamida 100 ta licenziya qo'lga kiritilishini aytishdi.    

Bir hafta avval MOQda o'tgan yig'ilishda qator federaciya mutasaddilari milliy olimpiya qo'mitasi tomonidan olib borilgan moliyalashtirish tizimidan norozi bo'lishgandi.  

Jumladan, O'zbekiston Rowing & Canoe federaciyasi nomidan so'zga chiqqan Tatyana Mamatqulova yillik taqvimdan o'rin olgan musobaqalar, xususan licenzion turnirlarga aynan moliya tizimi masalasi sabab yuborilmaganidan noligan edi.

Bugungi yig'ilishda Abdulla Aripov federaciyalarni markazlashgan holda moliyalashtirish masalasi milliy olimpiya qo'mitasi zimmasida qolishi, lekin bu jarayon jiddiy nazorat qilinishi, sportchilarimizning yillik taqvimga kiritilgan nufuzli musobaqalardagi ishtiroki taminlanishini aytdi. 

Yig'ilishda bosh vazir O'zbekiston milliy olimpiya qo'mitasining yangi rahbari Rustam SHoabdurahmonovga boshqaruv tizimi, kadrlar masalasini qayta ko'rib chiqish vazifasini topshirdi. 

Selektor yig'ilishida O'zbekiston futbol associaciyasi faoliyatiga ham to'xtalindi. Abdulla Aripov associaciya faoliyati qoniqarsiz holatda ekanligi, islohotlarga muhtojligini alohida takidladi. Bu gaplardan ko'rinib turibdiki, tez orada O'zbekiston futbol associaciyasida ham keskin o'zgarishlar ro'y beradi.