Bosh vazir kubogi: voleybol musobaqalariga ham start berildi

Bugun O'zbekiston davlat jahon tillari universitetida ayollar o'rtasidagi voleybol musobaqalariga start berildi.

Dastlab musobaqaning ochilish marosimi bo'lib o'tdi. Unda so'zga chiqqan jismoniy tarbiya va sport vazirining o'rinbosari SH.Mo'minjonov musobaqada ishtirok etayotgan barcha jamoalarga omad tiladi.

Takidlash kerak, voleybol musobaqalarida atigi 11ta jamoa g'oliblik uchun bahs olib borishmoqda. Bu ushbu musobaqaga qiziqish aslo past ekanligini anglatmaydi, aksincha vazirliklar, idoralar va tashkilotlarning markaziy apparati xodimlari orasida xotin-qizlar ulushining kamligini anglatadi. Biroq, bu hol musobaqalarning qiziqarli o'tishiga aslo tasir qilmaydi, degan umiddamiz.

Bugun boshlangan musobaqalarda O'zbekiston Milliy axborot agentligi jamoasi ilk uchrashuvda “O'zkimyosanoat” AJ jamoasini 2-0 hisobida mag'lubiyatga uchratishgan bo'lsa, xuddi shu hisob Qishloq xo'jaligi hamda Innovacion rivojlanish vazirligi jamoalari uchrashuvida ham qayd etildi. Bu bahsda omad qishloq xo'jaligi vazirligi ayol xodimalariga kulib boqdi. Yana bir uchrashuvda Issiqlik elektr stanciyalari jamoasi “SHarq” nashriyot-matbaa akcionerlik kompaniyasi qizlarini 2-1 hisobida dog'da qoldirdi.

Voleybol musobaqalarida g'olib va sovrindorlar 26 aprel kuni aniqlanadi.

Jismoniy tarbiya va sport vazirligi Matbuot xizmati