Braziliyalik MMAchi nokautdan so'ng vafot edi, bunga boshqa sabab ham bo'lishi mumkin + VIDEO

"Remulus Fight" turnirida 22 yoshli Mateus Fernandes Obed Pereyra bilan jangdan bir necha soat o'tib, vafot etdi. Jang havaskorlar qoidalari bo'yicha o'tkazilgan (uch raunddan uch daqiqa, tirsak va tizza bilan zarba berilmaydi). Uchinchi raundda Pereyra muvaffaqiyatli hujum tashkillashtirib raqibini qulatishga erishdi. Fernandes o'rnidan turishga uringan bo'lsada, raqib uni yana bir necha zarbalar bilan «siyladi», shundan so'ng hakam jangni to'xtatishga majbur bo'ldi. SHu tariqa Pereyra texnik nokaut bilan raqibini engadi. Jang yakunlangandan so'ng Mateuc tezlik bilan shifoxonaga olib borildi, lekin bir necha soatdan so'ng Mateus yurak xuruji bilan vafot etdi. CAMMA prezidenti Uolles Alves sportchini faqatgina VICH va Gepatitdan tekshirilganini, lekin yurak bilan bosh sohalaridan hech qanday tahlil olinmaganini malum qildi. «Men shokdaman, bo'lgan voqeaga fikr bildirishga ojizman. SHifokorlar uni hayotini saqlab qolish uchun ikki soat kurash olib borishi, lekin uni saqlab qolisholmadi», - dedi Uolles Alves.

Fernandes "Formando Campeoes" - giyohvand moddalar bilan kurashadiganlar tashkiloti tomonidan barpo etilgan sport zalida shug'ullanardi. Bu loyiha rahbari Vanderlyuche Kantuarias fikricha, Fernandes jangda qabul qilib olingan zarbalardan emas, balki giyohvand moddalar istemol qilish oqibatida vafot etgan.

“Juma kuni Mateus qon tahlilidan o'tgan testlari toza chiqqan, lekin do'stlarining aytishicha, u kechasi jangdan avval narkotiklarni qabul qilgan. Fernades jang davomida yaxshi harakat qilgan bo'lsada, yakunda u bir necha kuchli zarbalar qabul qilib oldi. Jang yakunlanishi bilan giyohvand moddalar sabab, unda yurak bilan bog'liq muammo kelib chiqdi”,- dedi Formando Campeoes.

"Remulus Fight" promouteri Romulo Lobo Mateus Fernandesning oila azolariga moddiy yordam berishga vada berdi.