Bu qiziq! O'zbekiston qishki Osiyo o'yinlaridagi ishtirokini aynan Xarbinda boshlagan, AQSH chempionining onasi esa mamlakatimiz uchun ilk medalni qo'lga kiritgan

SHundan keyin har to'rt yilda o'tishi kerak bo'lgan kompleks musobaqalar ko'pincha turli sabablar tufayli bir yoki ikki yilga, bazida undan ham ko'p vaqtga cho'ziladi.

O'zbekiston Milliy Olimpiya qo'mitasining qishki Osiyo o'yinlaridagi ilk ishtiroki 1996 yilga to'g'ri keladi. O'sha yilgi o'yinlar Xitoyning Xarbin shahrida tashkil etilgandi. XXR raisi Jiang Zemin ochib bergan musobaqada 17 mamlakatdan tashrif buyurgan 453 nafar sportchi 8 ta sport turining 43 ta dasturida medallar uchun kurash olib borgan.

Avval malum qilganimizdek, ochiq manbalarda O'zbekistonning Xarbin-96 III qishki Osiyo o'yinlarida necha nafar sportchi bilan qatnashgani haqida malumotlar mavjud emas. 

Biroq ikki sportchimizning medal qo'lga kiritgani bo'yicha infolar etarli. Hozirda figurali uchish olamidagi eng mashhur sportchilardan biri — AQSH terma jamoasi azosi Ilya Malininning onasi Tatyana Malinina Xarbin-96 qishki Osiyo o'yinlarining figurali uchish bahslarida O'zbekiston uchun ilk medalni taqdim etadi. Bu kumush edi. Keyinroq fristaylchi Sergey Brener bronza medaliga ega chiqadi.

SHunday qilib, O'zbekiston delegaciyasi o'zi uchun ilk qishki Osiyo o'yinlarida ikkita medal qo'lga kiritib, umumjamoa hisobida beshinchi o'rinni egallaydi.

Oradan qariyb 28 yil o'tib, mamlakatimiz sportchilari aynan Xarbinda IX qishki Osiyo o'yinlari g'olibligi uchun bahs olib borishga shaylanmoqda.