Bugun Abu-Dabi "Katta Dubulg'a" turnirida 8 nafar dzyudochimizga muxlislik qilamiz. To'raboev og'ir vaznda tatamiga chiqadi

Dunyoning 4 qitasi 29 mamlakatidan jami 219 (150 erkak, 69 ayol) nafar dzyudochi ishtirok etayotgan mazkur musobaqada o'zbekistonlik sportchilar ham medallar uchun tatamiga chiqyapti. 

Mukofot jamg'armasi 154 000 evroni tashkil qiluvchi Abu-Dabi "Katta Dubulg'a" turnirining uchinchi kuni 8 nafar dzyudochimiz bahslarga kirishadi. Hozircha musobaqaning birinchi kuni Muhriddin Tilovov tomonidan qo'lga kiritilgan bronza medali yagonaligini saqlab turibdi.

Bugun Muzaffarbek To'raboevning ukasi O'tkirbek +100 kg vazn toifasida kurashadi. Unga ilk davrada qozog'istonlik Madi Edilbaev raqiblik qiladi. 

Bugun tatamiga chiqadigan dzyudochilarimiz:

-90 kg: Nurbek Murtozoev - Ken Dakasin (Filippin)

-90 kg: Jaloliddin Qurbonmurodov - Mixail Latishev (Moldova)

-100 kg: Zufarbek O'rolov - Niyaz Bilalov (IJF)

-100 kg: Ernazar Sarsenbaev - Jahongir Majidov (Tojikiston)

+100 kg: Muhammadqodir Mansurov - Tamerlan Bashaev (IJF)

+100 kg: O'tkirbek To'raboev - Madi Edilbaev (Qozog'iston)

AYOLLAR

+78 kg: Fotima Quramboeva - Karen Stivenson (Niderlandiya)

+78 kg: Durdona Nizomaddinova - Koralie Hayme (Franciya)