20 fev 14:17
Yangiliklar

Dzyudo

Bugun Dyusseldorf "Katta Dubulg'a" turniriga qura tashlanadi

Xabar berganimizdek, 21-23 fevral kunlari Germaniyaning Dyusseldorf shahrida "Katta Dubulg'a" turkumiga kiruvchi nufuzli turnir bo'lib o'tadi.

Yilning hisob bo'yicha ikkinchi "Katta Dubulg'a" musobaqasida sayyoramizning 5 qitasi 120 davlatidan jami 718 (427 erkak, 291 ayol) nafar dzyudochi turnir medallari hamda Tokio-2020 Olimpiadasi yo'lidagi muhim reyting ochkolari uchun tatamiga chiqadi.

Dyusseldorf tatamilarida 15 nafar dzyudochimiz yurtimiz sharafini himoya qiladi. -60, -66, -73, -81 hamda +100 kg vazn toifalarida ikki nafardan dzyudochimiz bahslarga kirishadi.

Bugun Düsseldorf Grand Slam 2020 turniriga qura tashlash marosimi o'tkaziladi. Ertadan esa bellashuvlarga start beriladi. Har bir vazn g'oliblari o'z hisoblariga qimmatli 1000 reyting ochkosini qo'shib qo'yadi.