Bugun faqatgina bir nafar sportchimiz Parij Olimpiadasida qatnashadi

Bugun faqatgina -60 kg vaznli yunon-rum kurashchimiz Islomjon Bahromov Olimpiadada qatnashadi. U o'z ishtirokini qochqinlar jamoasi azosi, kelib chiqishi eronlik Jamal Valizodaga qarshi boshlaydi. Ushbu bahs soat 18:00dan so'ng boshlanadi.

Valizoda mag'lub etilsa, chorak finalda Moldova yoki KXDR kurashchilari kutib turibdi. Kun davomida faqatgina saralash bahslari o'tkaziladi. Sportchimiz saralashdan muvaffaqiyatli o'ta olsa, medallar uchun kurash 6 avgust kuni bo'ladi.