Bugun "Humo Arena"da kardidan ikki chempionlik jangi o'rin olgan Octagon 85 turniri bo'lib o'tadi

Oqshomning asosiy jangi hamyurtimiz SHohasan Mirzamatov (16-4-0) hamda Liganing yarim o'rta vazn toifasidagi qozog'istonlik chempioni Bogdan Pshebelskiy (7-2-0) o'rtasida bo'lib o'tadi. 

Turnirning co-main event jangi esa o'ta engil vaznda vakant bo'lib turgan chempionlik kamari uchun kechadi va unda 5 ta g'alabali seriya bilan kelayotgan hamyurtimiz Jamoliddin Rahmonjonov (5-0-0) qozog'istonlik Elaman Jetpisbay (6-1-1) bilan to'qnash keladi.  

Asosiy kard doirasidagi yana bir qiziqarli jang o'rta vazn toifasida o'tkaziladi. Unda 31 yoshli sportchimiz Mansur Otajonov (4-3-0) qozog'istonlik 26 yashar Arnur Kabdoldaev (4-1-1)ga qarshi oktagonga chiqadi.  

Octagon 85 turnirida media-jangchi Odilxon Kamolov qozog'istonlik Kemenger Auezov bilan hisob-kitob qiladi. Odilxon faoliyati davomida 14 ta jang o'tkazib, 9 g'alaba va 5 mag'lubiyat qayd etgan. Auezov hisobida esa 1 tagina g'alaba bor.

SHuningdek, bugungi turnir kardida Og'abek "Saturn" Abdumo'minov, Jasurbek "Tayson" Jo'raev, Samandar "Tank" Reymbaev singari media jangchilar ham oktagonga ko'tariladi. Turnir soat 17:00da boshlanadi. CHiptalar 50 mingdan 700 ming so'mgacha sotilmoqda.