Bugun ikkinchi raketkamiz Antaliya turniridagi yurishini boshlaydi

Mukofot jamg'armasi 115 000 AQSH dollarini tashkil qiluvchi Megasaray Hotels Open turnirida vakilamiz Polina Kudermetova ham o'z mahoratini namoyish etadi. Bugun u 1/16 finalda ispaniyalik Zuleta Maristaniga qarshi kortga chiqadi. 

Taqqoslash uchun, mamlakatimizning ikkinchi raketkasi ayni paytda WTA reytingida 147, Maristani esa 171-o'rinni egallab turibdi. Ushbu bahs bizning vaqt bilan soat 15:30da boshlanadi. Bu tennischilarning o'zaro o'tkazadigan ikkinchi uchrashuvi bo'ladi. SHu yil yanvar oyida Melburnda o'tgan Avstraliya Ochiq chempionatining saralash bahsida Kudermetova Maristanini mag'lubiyatga uchratgan edi.