Bugun Ilyas Bekbulatov oltin, Abdurahmonov va Veysalov bronza uchun kurashadi

Bugun musobaqaning erkin kurash bahslarida uchta medal qo'lga kiritish imkoniyatimiz bor. Bitta medal naqd! -70 kg vazn toifasida yurtimiz sharafini himoya qilayotgan Ilyas Bekbulatov raqiblarini yirik hisoblarida mag'lubiyatga uchratib, finalga etib keldi. 

Yarim finalda u ukrainalik Aleksandr Borutani 12:2 hisobida dog'da qoldirdi. Ilyasning oltin medal uchun kechadigan bellashuvdagi raqibi qirg'izistonlik Islambek Orozbekovdan 5:3 hisobida ustun kelgan ozarbayjonlik Jabrail Gadjiev bo'ladi. 

Yana ikki erkin kurashchimizda O'zbekistonga bronza medali bilan qaytish imkoniyati bor. 125 kg vazndagi polvonimiz Maqsud Veysalov o'tish bahsida armanistonlik Magakyanga qarshi gilamga chiqadi. -79 kg vazndagi erkin kurashchimiz Bekzod Abdurahmonov esa o'tish bahsida bolgariyalik Oktay Hasan bilan to'qnash keladi.