Bugun Italiyadagi licenzion turnirda 4 nafar bokschimiz ringga chiqadi

Bugun musobaqa doirasida 4 nafar bokschimiz ham navbatdagi janglarini o'tkazishadi. Dastlab -66 kg vaznda Navbahor Hamidova greciyalik Paraskevi Mavrommatiga qarshi ringga chiqadi. Bu Hamidova uchun turnirdagi ilk jang bo'ladi. O'zbek bokschilarining bugungi ishtirokini boshlab beradigan ushbu jang bizning vaqt bilan soat 15:15 da start oladi.

Bugun Sabina Boboqulova ham turnirdagi ilk jangida ringga ko'tariladi. Uning raqibasi singapurlik Danisha Matialagan bo'ladi. Jang Toshkent vaqti bilan soat 19:45 da start oladi.

-80 kg vazndagi bokschimiz To'rabek Habibullaev polshalik Rafal Perczynski bilan to'qnash keladi. Bu bahs taxminan soat 22:00larda boshlanadi. Bokschilarimizning bugungi ishtirokini Sitora Turdibekova yakunlab beradi. -57 kg vazndagi bokschimizning chexiyalik Lyusi Sedlachkovaga qarshi jangi tungi soat 01:15 dan keyin start oladi.