Bugun "Milliy sport mukofoti-2025" taqdirlash marosimi o'tkaziladi. Kimlar eng yaxshi bo'lishi mumkin?

Unda bir nechta nominaciya bo'yicha g'oliblar taqdirlanadi. Yakuniga etib borayotgan yil davomida o'zbekistonlik sportchilar jahon va Osiyo chempionatlari, shuningdek, kompleks musobaqalarda ishtirok etishdi.

SHundan kelib chiqib, 2025 yilda O'zbekistonning eng yaxshi erkak sportchisi deb topilishi mumkin bo'lgan nomzodlar soni ham etarlicha. 

Xususan, 24 yillik tanaffusdan keyin kattalar o'rtasidagi Jahon chempionatining yunon-rum kurash bahslarida O'zbekistonga oltin medalni taqdim etgan 19 yoshli Aytjan Xalmaxanov, dunyo birinchiligi va Islom Birdamligi o'yinlarida muvaffaqiyatli ishtirok etgan og'ir atletikachimiz Akbar Jo'raev, boksdagi "gegemonlik"ni Liverpuldagi World Boxing Jahon chempionatida ham davom ettirgan Abdumalik Xalokov, Asadxo'ja Mo'ydinxo'jaev, shuningdek, taekvondo WT bo'yicha Jahon chempionatida oltin medalga ega chiqqan ikkinchi o'zbekistonlik erkak sportchiga aylangan Najmiddin Qosimxojiev shular jumlasidan. 

Yuqorida tilga olingan sportchilarimizning nomzodlari MOQ tomonidan rasman elon qilinmagan bo'lsa-da, taxminimizcha ulardan biri eng yaxshi deb topiladi. Bu ro'yxat yanada kengroq bo'lishi ham mumkin.

Ayol sportchilarimiz orasidan esa karate bo'yicha ilk o'zbekistonlik Jahon chempioniga aylangan Gulshan Alimardonovaning 2025 yilda O'zbekistonning eng yaxshi ayol sportchisi bo'lish imkoniyati ancha yuqori. Faoliyati davomida uchinchi marotaba Jahon chempionati shohsupasiga ko'tarilgan Svetlana Osipova, Islom birdamligi o'yinlarida muvaffaqiyatli chiqish qilgan Aktenge Keunimjaeva nomzodlarini bu borada taxmin qilish mumkin.

Demak, bugun O'zbekistonning 2025 yildagi eng yaxshilarini bilib olamiz.