Bugun O'zbekiston Kubogining ikkinchi kuni 5 ta vaznda g'oliblar aniqlanadi

Muhtasham "Yoshlik" sport majmuasi mezbonlik qilayotgan musobaqada Qoraqalpog'iston Respublikuasi, barcha viloyatlar hamda Toshkent shahridan jami 557 (441 o'g'il bola, 116 qiz) nafar dzyudochi 14 ta vazn toifasida tatamiga chiqmoqda. SHuningdek, MHSK dzyudochilari ham alohida jamoa sifatida ishtirok etishyapti. 

Bugun musobaqaning ikkinchi kunida o'g'il bolalarda -73, -81, -90 kg, qizlarda esa -63 va -70 kg vazn toifalarida g'olib hamda sovrindorlar nomi malum bo'ladi. Bugungi bahslarda jami 229 (197 o'g'il bola, 32 qiz) ishtirokchi tatamiga chiqadi. Soat 16:00da O'zbekiston Kubogining tantanali ochilish marosimi o'tkazilsa, soat 17:00da final bellashuvlari boshlanadi.