Bugun toshi og'ir dzyudochilarimizga muxlislik qilamiz

Bugun yakkalik musobaqasining so'nggi kunida og'ir vaznli dyuzdochilar tatamiga chiqadi. Ayollar +78, erkaklar esa +100 kg vazn toifasida jahon chempionatining medallari hamda Tokio Olimpiadasi reyting ochkolari uchun bahslarga kirishadilar. Bugungi bellashuvlarda Rinata Ilmatova, Alisher Yusupov va Bekmurod Oltiboevga muxlislik qilamiz. 

Qura natijasiga ko'ra, Rinata Ilmatova ilk davrada AQSH vakilasi Nina Kutro-Kelliga, Alisher Yusupov sloveniyalik Vito Dragichga, Bekmurod Oltiboev esa ikkinchi bosqichda IJF bayrog'i ostida musobaqada qatnashayotgan Javad Mahjubga qarshi tatamiga chiqadi.