BUM! Qozog'iston O'zbekiston bilan birga JCH-2034ni qabul qilmoqchi

Associaciyalar o'rtasidagi hamkorlikni mustahkamlash va qo'shma loyihalarni amalga oshirish masalalarini muhokama qilishga qaratilgan uchrashuvda O'zbekiston futbol associaciyasi birinchi vice-prezidenti Ravshan Irmatov ishtirok etdi.

Ochiq va konstruktiv ruhda o'tgan ushbu uchrashuvda tomonlar har bir futbol associaciyasining muvaffaqiyatli rivojlanishining asosiy omillari infratuzilmani yaxshilash, kadrlar salohiyatini oshirish va etarli mablag' bilan taminlash ekanini takidlab, har bir futbol associaciyasining muvaffaqiyati mintaqa uchun muhim ahamiyatga ega ekanligini qayd etdilar.

Bundan tashqari, futbolchilar va hakamlar yig'inlarini o'tkazish uchun zarur bo'lgan infratuzilmani barpo etish bo'yicha o'zaro manfaatli loyihalarni amalga oshirish yuzasidan fikr almashildi. Yig'ilish ishtirokchilari xalqaro miqyosdagi turnirlarni, jumladan, turli yosh toifasidagi jamoalar o'rtasidagi jahon chempionatlarini birgalikda tashkil etish imkoniyatlarini ko'rib chiqdilar.

Championat.asia sayti malumotiga ko'ra, Qozog'iston futbol federaciyasi rahbari Adilet Barmenqulov yig'ilish chog'ida O'zbekiston bilan birgalikda 2034 yil kattalar o'rtasidagi Jahon chempionatiga mezbonlik qilish rejasini o'rtaga tashladi. So'nggi yillarda ikki federaciya o'rtasidagi do'stona aloqalar yuqori bosqichga chiqayotganini terma jamoalar va klublarimiz o'rtasidagi o'rtoqlik o'yinlari tashkil etilayotgani bilan bog'lash mumkin.