Bunaqasi bo'lmagandi! 13 yoshli qizimiz Osiyo rekordini yangiladi + FOTO

Qirg'iston davlati Bishkek shaxrida Osie chempionati o'tkazildi. Ushbu qita chempionatida Osiyoning o'ndan ziyod davlatidan 500 nafarga yaqin polvonlar ishtirok etishdi. Ular qatorida Vohiddin Najmiddinov boshchiligidagi O'zbekiston terma jamoasi sportchilari ham medallar uchun kurash olib borishdi. 

Etiborga molik jihati shundaki, 13 yoshli SHohsanam Mirfozilova 53 kg vazn toifasidagi bahslarda nafaqat chempionlik shohsupasiga ko'tarildi, balki Osiyo rekordini yangilashga ham muvaffaq bo'ldi. U 10 daqiqa ichida 16 kg toshni 137 maratoba ko'tarishga muvaffaq bo'ldi. 

Terma jamoamiz azolaridan +95 kg vazn toifasida SHerali Nosirov Osiyo chempioni bo'ldi. Faxriylar o'rtasidagi -73 kg vazn toifasi bellashuvlarida Vohiddin Najmiddinov eng yaxshi natija bilan oltin medal sohibiga aylandi. SHuningdek, terma jamoamiz bosh murabbiyi Lochin Husanov (-95 kg) ham Osiyo chempioniga aylandi. 

Hamyurtlarimizdan Elyor Urushev (-85 kg), Otamurod Turodov (-95 kg), SHohruh Hamidov (63 kg) va Javohir Qurbonov (95 kg) kumush medalni qo'lga kiritdi. Temur Ribolkin (-63 kg), Ismatillo Ahmedov (-73 kg), SHodilbek Ergashev (-85 kg) va Radmir Asanov Radmir bronza medaliga sazovor bo'ldi. 

SHu tariqa, O'zbekiston terma jamoasi Osiyo chempionatida 4 ta oltin, 5 ta kumush, 4 ta bronza medali bilan umumjamoa hisobida faxrili uchinchi o'rinni egalladi.