Buyuk siymoga yuksak ehtirom ifodasi+FOTO

Fondning tashabbuskorlari Birinchi Prezidentimizning rafiqasi Tatyana Karimova va qizi Lola Karimova-Tillyaevalardir. 

Islom Karimovning mamlakatdagi yosh avlodni qo'llab-quvvatlash, chuqur bilim va yuksak manaviyat sohibi bo'lgan yoshlarni tarbiyalashdek xayrli ishlarini davom ettirish, O'zbekistonning boy tarixiy-madaniy merosini asrab-avaylash, mamlakatimiz hamda xorijda keng targ'ib etish Fondning asosiy maqsadlari sirasiga kiradi.

O'tgan qisqa muddat ichida Fondning faoliyati bilan tanishish, qolaversa, Birinchi Prezidentimiz xotirasiga ehtirom ko'rsatish maqsadida u erga yurtdoshlarimiz, turli tashkilot vakillari, o'quvchi-yoshlar, sportchilar tashrif buyurishdi. 

Yaqinda O'zbekiston Belbog'li kurash federaciyasi rahbariyati ham shunday tashabbusga qo'l urishdi. Belbog'li kurash bo'yicha O'zbekiston va Osiyo, jahon chempionlari joriy yilning 10 iyul kuni “Islom Karimov nomidagi Respublika xayriya jamoatchilik fondi”ga tashrif buyurishdi. 

Tashrif chog'ida Belbog'li kurash federaciyasi azolari Tatyana Karimova va fond mutasaddilari bilan uchrashishdi. Uchrashuvda Islom Karimov tomonidan sportning milliy belbog'li kurash turiga bo'lgan etibori vako'rsatgan amaliy yordamlari va qo'llab-quvvatlaganliklari to'g'risida fikr almashildi. 

– Birinchi Prezidentimiz Islom Karimov butun faoliyatini, hayotini Vatanimizning tinchlik-osoyishtaligi, xalqimizning baxtli va farovon hayot kechirishi, o'z orzu va maqsadlarini ro'yobga chiqarishi uchun baxshida qilganini bugun barchamiz bilamiz, - deydi O'zbekiston Belbog'li kurash federaciyasi raisi Ravshan Dastirov. - U kishining xotirasiga hurmat-ehtirom ko'rsatish ham sharaf, ham farzdir. Zero, Vatanimiz, xalqimizga butun borlig'ini baxshida qilib, fidoyilik ko'rsatib yashagan Birinchi Prezidentimizning ibratli hayoti va faoliyati xalqimiz, ayniqsa, sportchilarni vatanparvarlik ruhida, mustaqillikka sadoqatli qilib tarbiyalashga xizmat qiladi. 

Tadbirda so'zga chiqqan sportchilar Islom Karimovning sportga bo'lgan yuksak darajadagi etiborini bot-bot gapirishdi. Tadbir davomida federaciya azolari va polvonlar Islom Karimov muzeyini tomosha qilishdi.

Uchrashuv yakunida Islom Karimov nomidagi Respublika xayriya jamoat fondiga federaciyaning Kubok va tashakkurnomalari topshirildi.