Cabina Boboqulova licenzion turnirdagi ishtirokini boshladi

Xabar berganimizdek, bugun musobaqa doirasida 4 nafar bokschimiz navbatdagi janglarini o'tkazishyapti. Ulardan dastlab -66 kg vaznda Navbahor Hamidova greciyalik Paraskevi Mavrommatini mag'lubiyatga uchratgan edi. Bu Hamidova uchun turnirdagi ilk jang bo'ldi. 

Quvonarlisi, hozirgina yana bir bokschi qizimiz Sabina Boboqulova (-50 kg) ham turnirdagi ilk jangida ringga ko'tarildi. Sabina singapurlik Danisha Matialaganni uch raund to'liq davom etgan jangda hakamlarning yakdil qarori bilan mag'lubiyatga uchratdi - 5:0!

Birozdan so'ng -80 kg vazndagi bokschimiz To'rabek Habibullaev polshalik Rafal Perczynski bilan to'qnash keladi. Bu bahs taxminan soat 22:00larda boshlanadi. Bokschilarimizning bugungi ishtirokini Sitora Turdibekova yakunlab beradi. -57 kg vazndagi bokschimizning chexiyalik Lyusi Sedlachkovaga qarshi jangi tungi soat 01:15 dan keyin start oladi.