Carukyan Volkanovskining taklifiga rad javobini berdi

Avstraliyalik chempion Armanga rossiyalik Islam Maxachevga qarshi jangga tayyorgarlikda sparring-sherik bo'lishni taklif qilgandi.

"U meni o'zining tayyorgarlik lageriga qo'shmoqchi bo'lgandi. Men bu taklifga rad javobini berdim. Avvaliga Sayat, keyin do'stim Edvin, shundan so'ng Amerikadan yana bir yigit menga qo'ng'iroq qilib, Volkanovskini Islamga qarshi jang uchun tayyorlashda yordam berishimni so'radi. Uning lagerida bo'lishim uchun hech qanday mantiq ko'rmayapman. Agar pul taklif qilinsa ham, hozirgi holatda rozi bo'lmayman. Mabodo, shu jangga zaxira varianti sifatida kiritilsam, Avstraliyaga jon deb borardim. Mening rejamda oilaviy xordiq bor. Uyda 8-9 oy bo'lmadim", - deya "Match TV" telekanaliga  intervyu bergan Carukyan.

SHuningdek, Arman Carukyan Islamga qarshi jangda Volkanovskining imkoniyatlarini chamalagan. 

"Aleks bir necha bor chempionlik kamarini himoya qilgan. "Stoyka"da zo'r jang o'tkazadi. Unga beetibor bo'lish yaxshi emas. Negadir ko'pchilik unga past baho beryapti. SHunday bo'lsa-da, men baribir Islamning imkoniyatlarini yuqoriroq baholayman - 60 ga 40. Agar Aleks qafas yonida turib qolmasa, markazda tik turgan holatda jang olib borsa, klinchga kirib bormasa, u holda Volkanovski qo'l va oyoq zarbalari bilan Islamni mag'lub etadi", - dedi Carukyan. 

Eslatib o'tamiz, Maxachev - Volkanovski jangi 12 fevral kuni Avstraliyaning Pert shahrida tashkil etiladigan UFC 284 turniri doirasida o'tkaziladi.