CHarlz Oliveyra Maxachev - Volkanovski jangiga o'z taxminini aytdi

Engil vazn toifasida sobiq UFC chempioni, braziliyalik CHarlz Oliveyra (33-9-1) ayni damda mazkur divizion chempioni, rossiyalik Islam Maxachev (23-1) va yarimengil vazn chempioni, avstraliyalik Aleks Volkanovski (25-1) o'rtasidagi bo'lajak jang haqida o'z fikrlari bilan o'rtoqlashdi. 

"Ularning ikkisi ham buyuk jangchilar. Volkanovski qo'l va oyoqda kuchli zarbaga ega, Islam esa raqibini parterga o'tkazib olsa, qattiq bosim qila boshlaydi. Menimcha, bu jangda Islam g'alaba qozonadi. Agar Aleks "stoyka"da jang qila olsa, imkoniyatlari bo'ladi", - dedi Oliveyra.

Eslatib o'tamiz, Maxachev - Volkanovski qarama-qarshiligi 2023 yil 11 fevral kuni Avstraliyaning Pert shahrida o'tkaziladigan UFC 284 musobaqasi doirasida bo'lib o'tadi.

CHarlz so'nggi bor 22 oktyabr kuni Abu-Dabi (BAA)da tashkillashtirilgan UFC 280 turniri doirasida aynan Islam Maxachevga qarshi jang qilib, mag'lub bo'lgan edi. Islam mazkur g'alabasi orqali engil vaznda aynan Oliveyra tomonidan vakant bo'lib turgan chempionlik kamarini qo'lga kiritgan edi. 

Aleksandr Volkanovski esa ohirgi jangini 2 iyul kuni Las-Vegas (AQSH)da o'tkazilgan UFC 276 musobaqasi doirasida amerikalik Maks Xollouey (23-7)ga qarshi o'tkazib, hakamlarning qarori bilan g'alaba qozongan va o'ziga tegishli bo'lgan chempionlik kamarini himoya qilgan edi.