Chengdu Open. Muzetti qatorasiga ikkinchi yil finalda o'ynaydi

Dunyoning to'qqizinchi raketkasi bo'lib turgan Lorenco Muzetti qatorasiga ikkinchi yil ham musobaqaning finaliga yo'l oldi. Italiyalik tennischi 1/2 finalda ATP reytingida 96-pog'onada borayotgan qozog'istonlik Aleksandr SHevchenkoga hech qanday imkoniyat qoldirmadi  - 6/3, 6/1.

Tennischilarning o'zaro uchrashuvlaridagi hisob 2:0 ko'rinishiga keldi. Oltmish to'rt daqiqa davom etgan bahsda ikkala tennischi ham 3 tadan eys zarbasini amalga oshirgan. Qo'shxatolar ham bir xilda bo'ldi - 1 tadan. Muzetti breyklar bo'yicha mutlaq ustunlik qildi - 4 ga 0.  

Bugun Lorenco Muzetti Chengdu Open turniri bosh sovrini uchun chililik Alexandro Tabiloga qarshi kortga chiqadi.