CHim ustida xokkey. Pokiston delegaciyasi vakillari O'zbekistonda

CHim ustida xokkey bo'yicha qitamizning etakchi terma jamoalaridan biri bo'lgan pokistonliklar yurtimizda o'quv-mashg'ulot yig'inlari va bir necha o'rtoqlik uchrashuvlarini o'tkazishdi. 

Jumladan, Andijonda bo'lib o'tgan dastlabki o'yinda O'zbekiston terma jamoasi 9:7 hisobida g'alaba qozondi. Ikkinchi bahsda esa vakillarimiz 8:4 hisobida ustun kelishdi. O'zaro uchinchi nazorat o'yinida hamyurtlarimiz 5:2 hisobida zafar quchishdi. Samarqandda o'tkazilgan o'yinda esa Pokiston terma jamoasi 4:2 hisobida g'olib bo'ldi.

Pokiston chim ustida xokkey federaciyasi vakillari Milliy olimpiya qo'mitasida mehmon bo'lishdi. Tashkilot bosh kotibi Abdulatif SHax, terma jamoa menejeri Ramzan Jamali va bosh murabbiy Mister Sabrlarni Milliy olimpiya qo'mitasi Bosh kotibi Jasur Matchanov kutib oldi.

Uchrashuv davomida tomonlar sportning ushbu turi bo'yicha hamkorlik qilish, halqaro aloqalarni mustahkamlash borasida so'z yuritishdi. MOQ bosh kotibi fursatdan foydalanib pokistonlik malakali murabbiylarni O'zbekistonga taklif qildi.

Malumot uchun, Pokiston sportning chim ustida xokkey turi bo'yicha kattagina tajribaga ega. Terma jamoa Olimpiya o'yinlarida uchta oltin, uchta kumush va ikkita bronza medalini qo'lga kiritgan. SHuningdek, Pokiston terma jamoasi 4 karra jahon chempioni, 8 karra Osiyo o'yinlari g'olibi hisoblanadi.