CHim ustida xokkey. Polshaga yutqazdik, bugun Rossiyaga qarshi o'yin

Ushbu musobaqaning ahamiyatli tomoni shundaki, unda ishtirok etayotgan terma jamoalar Tokio 2020 Olimpiadasi licenziyasini qo'lga kiritishlari mumkin bo'ladi. Bahslarda O'zbekiston terma jamoasi azolari ham ishtirok etishmoqda. 

Kecha yigitlarimiz ilk turda Polsha terma jamoasiga qarshi o'yin o'tkazib, 0:4 hisobida imkoniyatni boy berishdi. Guruhdagi ikkinchi o'yinda mezbon Hindiston terma jamoasi Rossiyani 10:0 hisobida mag'lub etdi. 

Bugun vakillarimiz Rossiya terma jamoasiga qarshi maydonga tushadilar. Uchinchi o'yin 10 iyun kuni Hindistonga qarshi bo'lib o'tadi. 

Malumot uchun, guruhda birinchi o'rinni egallagan jamoa yarim finalga yo'l oladi va kurashni davom ettiradi. Guruh bosqichi yakunlangach, "B" guruhidagi terma jamoalar (AQSH, Yaponiya, Meksika va JAR) ham bahsga qo'shiladi. 

Birinchi o'rinni egallagan terma jamoalar to'g'ridan-to'g'ri yarim finalda bahs olib borishsa, guruhni ikkinchi va uchinchi o'rinda yakunlaganlar o'tish o'yini orqali yarim final yo'llanmasi uchun kurashadilar. Finalga chiqqan terma jamoalar Tokio Olimpiadasi licenziyasini qo'lga kiritishadi.