CHimaev, Carukyan, Toni Fergyuson "jang" qilgan RAF 10 turnirining barcha natijalari

Etiborlisi, Tokio-2020 Olimpiya o'yinlari sovrindori Bekzod Abdurahmonov dunyoning yulduz erkin hamda aralash yakkakurash ustalari ishtirok etayotgan RAF ligasidagi debyut bellashuvini muvaffaqiyatsiz o'tkazdi. Hamyurtimiz turnir kardida Kigan O'Tulga 6-10 hisobida imkoniyatni boy berib qo'ydi. 

RAF 10 turnirining asosiy bellashuvi oraliq vaznda o'tkazildi va unda sobiq UFC chempioni Xamzat CHimaev Dillon Denisga qarshi gilamga chiqdi. BAA sharafini himoya qilayotgan chechenistonlik aralash yakkakurash ustasi birinchi bo'limning o'zidayoq raqibining oyog'ini ushlab oldi, parterga o'tkazdi va tushe, yani sof g'alaba bilan bellashuvni o'z foydasiga hal qildi. Bu Xamzatning ligadagi debyut g'alabasi, Denisning esa ikkinchi mag'lubiyati bo'ldi. Bahs yakuniga etishi bilan gilamda ommaviy mushtlashuv yuzaga keldi.   

Ahamiyati jihatidan ikkinchi muhim jangda amaldagi va sobiq UFC jangchilari Arman Carukyan hamda Toni Fergyuson o'zaro kurash gilamida to'qnash keldi. Ketma-ket ballarni jamg'argan Arman ikkinchi bo'limda hisobni 10:0 ko'rinishiga keltirdi va muddatidan avval texnik g'alabani qo'lga kiritdi. 

RAF 10 turniri janglari natijalari:

Xamzat CHimaev Dillon Denisni tushe, yani parterda ushlash evaziga muddatidan avval mag'lub etdi

Arman Carukyan Toni Fergyusonni muddatidan avval texnik ustunlik evaziga engdi (10-0)

Aaron Piko Lens Palmerni texnik ustunlik evaziga taslim etdi (12-1)

Lusiya Yepes raqibasi Kendra Rayandan texnik ustunlik hisobiga ustun keldi (13-2) – Yepes ayollar minimal vazn toifasida vaqtinchalik RAF kamarini qo'lga kiritdi

Ostin DeSanto Reyneri Andreuni kichik ustun bilan mag'lubiyatga uchratdi (2-1) – bellashuvda o'ta engil vaznda RAF kamari uchun kechdi

Rizabek Aytmuxan Xeyden Zillmerni ochkolar bo'yicha yutdi (6-4)

Sebastyan Rivera Xadji Alievni ochkolar hisobiga ko'ra engdi (9-5)

Kigan O'Tul Bekzod Abdurahmonovdan ustun keldi (10-6)

Endryu Aliriz Jeydin Ayermanni mag'lub etdi (5-3)

SHamil SHaripov Yonger Bastiddan ustun ekanini isbotladi (5-3)

Arsen Arutyunyan Kaleb Smitni texnik ustunlik evaziga muddatidan oldin yutdi (14-4)