CHirchiqda o'zbek jang sanati bo'yicha O'zbekiston kubogi o'tkazildi + FOTOGALEREYA

Yoshlar, o'smirlar va kattalar o'rtasida o'tkazilgan mazkur musobaqada barcha hududlaridan kelgan 800 nafarga yaqin sportchilar o'zbek jang sanatining "Bellashuv" yo'nalishi bo'yicha o'zaro kuch sinashishdi. 

Musobaqada sportchilar nafaqat jismoniy tayyorgarligi, balki tezkor fikrlashi, jasorati va milliy jang usullarini puxta egallaganini ham namoyon etishdi. 

Zero, o'zbek jang sanati — shunchaki sport emas. Unda xalqimizning boy tarixi, milliy qadriyatlari, urf-odatlari va ajdodlarimizdan meros bo'lib kelayotgan jang usullari mujassam. Ota-bobolarimizdan avlodlarga o'tib kelgan ushbu noyob meros bugun zamonaviy sport talablari asosida yanada takomillashib, sanat darajasiga ko'tarilmoqda.

CHirchiqda o'tgan bellashuvlar esa o'zbek jang sanati yurtimizda tobora ommalashib, yangi iqtidorlar va kuchli sportchilar safini kengaytirib borayotganining yana bir yaqqol dalili bo'ldi, deyish mumkin. 

Musobaqa doirasida shuningdek, tantanali ochilish marosimi ham ko'tarinki ruhda o'tkazildi. Unda O'zbek jang sanati federaciyasi raisi Po'lat Usmonov, O'zDJTSU rektori Rashid Matkarimov hamda sport sohasi vakillari ishtirok etib, musobaqa qatnashchilariga omad va zafarlar tilashdi. 

Ikki kunlik bahslar yakuniga ko'ra, umumjamoa hisobida qo'ydagi jamoalar kuchli uchlikdan joy olishdi. Musobaqa yakunida har bir vazn toifasida g'olib va sovrindorlar diplom va medallar bilan taqdirlanishdi. 

Yoshlar

1. Toshkent viloyati

2. Namangan viloyati

3. Samarqand viloyati

O'smirlar

1. Buxoro viloyati

2. Farg'ona viloyati 

3. Qoraqalpog'iston Respublikasi

Kattalar

1. Andijon viloyati 

2. Toshkent shahri

3. Xorazm viloyati. 

Ilhom RAHMONOV tayyorladi