CHirchiqda salomatlik sari 5000 qadam FOTOREPORTAJ

CHirchiq shahar hokimligi, shahar jismoniy tarbiya va sport bo'limi tashabbusi bilan tashkil etilgan mazkur tadbirda CHirchiq shahar hokimi va sektor rahbarlari, CHirchiqdagi oliy talim muassasalari o'qituvchi va talabalari, Milliy gvardiyaning CHirchiq shahar 98157-sonli harbiy qism harbiy xizmatchilari, CHirchiq oliy tank qo'mondonlik-muhandislik bilim yurti kursantlari, CHirchiq shahridagi 48238-harbiy qism askarlari, xalq talimi va maktabgacha talim bo'limi o'qituvchi va tarbiyachilari, CHirchiq olimpiya zaxiralari kolleji, bolalar-o'smirlar sport maktabi trenerlari hamda boshqa turli tashkilot va korxonalarning xodimlari ishtirok etishdi.  

Etiborlisi, ushbu tadbirni yanada ko'taringki ruhda o'tishini taminlash maqsadida O'zbekistonda xizmat ko'rsatgan artist Toshpo'lat Matkarimov ham taklif etildi. Dastlab, taniqli xushovoz xonanda T. Matkarimov ijrosidagi sho'x kuy-qo'shiqlar badantarbiya mashqlarini bajarishga kirishgan ishtirokchilarga o'zgacha xushkayfiyat bag'ishladi. SHundan so'ng barcha ishtirokchilar shahar ko'chalari bo'ylab belgilangan 5000 metrli masofani bosib o'tishdi. 

CHirchiq shahar hokimligi tashkiliy nazorat guruhi rahbari Olimjon Muqimovning takidlashicha,  ushbu sport tadbirini o'tkazish annaga aylanib ulgurgan. Boisi, haftaning har shanba kuni xuddi shu tarzda tashkil etilayotgan salomatlik tadbiri  aholining sportga bo'lgan ishtiyoqini uyg'otadi, ertalabki badantarbiya mashqlarini bajaruvchilar soni ko'payadi. Bu esa har bir oilada sog'lom turmush tarzi shakllanishiga xizmat qiladi.

Ilhom RAHMONOV tayyorladi