CHirchiqda sportchi yoshlar ishtirokida uchrashuv o'tkazildi FOTOGALEREYA

Xususan, sana munosabati bilan Yoshlar ittifoqi CHirchiq shahar kengashida ham Osiyo va jahon chempionatlari g'oliblari, iqtidorli sportchilardan iborat yoshlar va ularning murabbiylari ishtirokida uchrashuv tashkil etildi. 

CHirchiq shahar hokimligi, shahar jismoniy tarbiya va sport bo'limi, “Adolat” SDP CHirchiq shahar kengashi deputatlari, Yoshlar ittifoqi CHirchiq shahar kengashi, bolalar-o'smirlar sport maktabi hamda CHirchiq oliy tank qo'mondonlik-muhandislik bilim yurti hamkorligida o'tkazilgan mazkur uchrashuvda dastlab CHirchiq shahar hokimligining yoshlar tashabbuskorligini oshirish, taklif va muammolarini o'rganish, jismoniy tarbiya va sportga bo'lgan ommaviylikni yanada keng targ'ib qilish, iqtidorli sportchilarni  qo'llab-quvvatlash va ularga har tomonlama zarur yordam ko'rsatish yuzasidan axboroti tinglandi. 

O'z navbatida murabbiylar va sportchilar ham o'z taklif va tashabbuslarini bildirib o'tishdi. Uchrashuv so'nggida CHiriq oliy tank qo'mondonlik-muhandislik bilim yurtidan taklif qilingan xarbiy xizmatchilar va bir guruh xalqaro musobaqalar g'olib va sovrindorlariga tashkilotchilar tomonidan diplom va esdalik sovg'alari berildi.  

Ilhom RAHMONOV tayyorladi