CHiroqchida Ikkinchi jahon urushi qatnashchilari ezozlandi FOTO

Xususan, Qashqadaryo viloyati CHiroqchi tuman jismoniy tarbiya va sport bo'limi mutasaddilari, 1-sonli bolalar va o'smirlar sport maktabi murabbiylari, sportchi-o'quvchilar, yosh chempionlar tumanda istiqomat qilayotgan Ikkinchi jahon urushi qatnashchilari - 98 yoshli Jo'ra bobo Yodgorov, 100 yoshli Eshmirza bobo Ochilov, 98 yoshli Abdixoliq Boymirov hamda 98 yoshli Ergash bobo Beknazarovlarning xonadonlariga tashrif buyurib, ularga alohida hurmat-ehtirom ko'rsatishdi, sovg'a-salomlar bilan dillarini xushnud etishdi. 

O'z navbatida urush ishtirokchilari ham keksa avlod vakillarini ezozlash yuzasidan amalga oshirilayotgan ishlar, yuksak etibor va g'amxo'rlikdan mamnun ekanligi va bunday xayrli ezgu-amallar yoshlarimizni ona Vatanga muhabbat, Yurtga sadoqat va milliy qadriyatlarimizga hurmat ruhida voyaga etkazishga xizmat qilishini alohida takidlashdi. 

Ilhom RAHMONOV, o'z muxbirimiz