CHorvoqda “Tour de Charwak Lake” xalqaro velopoygasi o'tkaziladi

O'zbekiston Milliy olimpiya qo'mitasi, O'zbekiston Respublikasi Jismoniy tarbiya va sport davlat qo'mitasi hamda O'zbekiston velosiped sporti federaciyasi rahbarlari delegaciya vakillari bilan uchrashdi.

Mazkur sport turi bo'yicha 2018 yil Toshkent velotrekida Osiyo kubogi, 2019 yil shosse yo'nalishi bo'yicha Osiyo chempionatini o'tkazish, velosportning Olimpiya turi hisoblangan “BMX” va “Mauntinbayk” yo'nalishlarida sportchi va murabbiylarning tajribasini oshirish maqsadida Toshkent viloyati hududida mazkur turlar uchun sport kompleksini (velodrom) qurishda amaliy yordam berish, davlatimiz rahbari tomonidan qabul qilingan “CHorvoq” erkin turistik zonasini yaratish to'g'risidagi qarorga asoslangan holda mazkur hududda “Tour de Charwak Lake” xalqaro velopoygasi o'tkazilishini tashkil etish bo'yicha bo'yicha fikr almashildi.

Velosport turiga ko'rsatilayotgan etibor samarasida Tashkent City mintaqaviy velosiped klubiga asos solindi. Xalqaro velosipedchilar ittifoqi va Osiyo velosiped sporti konfederaciyasi yangidan tashkil etilgan Tashkent City mintaqaviy velosiped klubining xalqaro turnir va Gran-prilarda qatnashishida moddiy-texnik ko'mak hamda amaliy yordam berishi takidlandi.

Buning natijasida Tashkent City mintaqaviy velosiped klubi 2018 yil dunyoning sakkizta davlatida shosse va trek yo'nalishlari bo'yicha bo'lib o'tadigan 14 nufuzli musobaqada qatnashadigan bo'ldi.

Xalqaro velosipedchilar ittifoqi, Osiyo velosiped sporti konfederaciyasi va O'zbekiston velosiped sporti federaciyasi o'rtasida memorandum imzolandi.