21 avg 07:43
Yangiliklar

Tennis

Cincinnati "Masters" g'olibini aniqlash uchun 230 daqiqa talab etildi FOTOGALEREYA

AQSHning Cincinnati shahrida tennis bo'yicha "Masters" seriyasiga kiruvchi nufuzli turnir yakuniga etdi.

Hal qiluvchi final uchrashuvida dunyoning birinchi va ikkinchi raketkalari - ispaniyalik Karlos Alkaraz hamda serbiyalik Novak Jokovich o'zaro to'qnash kelishdi. Uch soatu 50 daqiqa davom etgan dramatik bahs yakunida tajribali Jokovich 5/7, 7/6(7), 7/6(4) hisoblarida g'alaba qozonib, bosh sovrin sohibiga aylandi.

Tennischilarning o'zaro uchrashuvlaridagi hisob muvozanati ham tiklandi - 2:2. Jokovich 2, Alkaraz 11 ta eys zarbani amalga oshirdi. Ikkala tennischi ham 5 tadan qo'shxatoga yo'l qo'ydi. Breyklar esa Karlosda bittaga ko'proq bo'ldi - 4 ga 3!

Western & Southern turniridagi bir haftalik muvaffaqiyatli ishtirok Novak Jokovichga 1000 reyting ochkosi hamda 1,019,335 AQSH dollar miqdoridagi mukofot puli keltirdi.