Cog'lom turmush tarzini yanada keng targ'ib qilish masalalari muhokama qilindi

SHu bois xalqimiz salomatligini yanada oshirish, jismoniy tarbiya va sport bilan aholining barcha qatlamlarini qamrab olish bugungi kunning muhim masalalaridan biri bo'lib qolmoqda. 

MOQ rahbariyati Toshkent shahar Jismoniy tarbiya va sport, Xalq talimi, Maktabgacha talim, Sog'liqni saqlash boshqarmalari va Kasaba uyushmalari tashkilotlarining mutasaddilari bilan ushbu masalalarni muhokama qilish yuzasidan uchrashuv o'tkazdi. Unda MOQ nomidan Bosh kotib Oybek Kasimov hamda Qo'mita raisi o'rinbosari v.b. SHerzod Tashmatov qatnashdi.

Kun tartibidan Prezidentimiz tomonidan joriy yil 30 oktyabr kuni elon qilingan “Sog'lom turmish tarzini keng tatbiq etish va ommaviy sportni rivojlantirish chora-tadbirlari to'g'risida”gi PF-6099-sonli farmonida belgilangan topshiriqlar ijrosini taminlash, har bir tuman va shaharda sport turlariga ixtisoslashuvidan kelib chiqib, har oyda musobaqalar o'tkazish, hududlarda Olimpiya harakatini yanada rivojlantirish, uyushmagan yoshlarni sportga keng jalb qilish kabi mavzular o'rin oldi.

Uchrashuv davomida mutasaddilar kun tartibidagi barcha mavzularni amaliyotga keng tatbiq etish, yoshlar orasida sport qamrovini yanada kengaytirish borasida tegishli chora-tadbirlarni belgilab olishdi.